Hvað er snjallræði?
Snjallræði er 16 vikna vaxtarrými (e. incubator) sem styður við öflug teymi sem brenna fyrir lausnum á áskorunum samtímans og styðja við heimsmarkmið Sameinuðu þjóðanna. Það geta verið lausnir sem snúa að heilbrigðisþjónustu, velferðartækni, bættu menntakerfi og jafnréttismálum, svo dæmi séu tekin. Snjallræði var stofnað af Höfða friðarsetri árið 2018 og hefur verið keyrt sex sinnum frá upphafi. Vaxtarrýmið er í samstarfi við MITdesignX, og er þungamiðja þess vinnustofur þar sem að sérfræðingar frá MIT koma til landsins og deila þekkingu sinni. Þátttakendur fá aðgang að fræðslu og þjálfun frá innlendum og erlendum sérfræðingum á sviði samfélagsmála og nýsköpunar og fundi með reyndum mentorum.
Frammúrskarandi teymi tóku þátt í fyrra
Ellefu teymi voru valin til þátttöku í Snjallræði árið 2024 og áorkuðu þau miklu undir leiðsögn reynds hóps mentora á þeim 16 vikum sem vaxtarrýmið spannaði. Verkefni teymanna voru afar fjölbreytt og fást við ólíkar samfélagslegar áskoranir, sem snerta jafnt unga sem aldna og styðja m.a. við innflytjendur, fólk með geðraskanir og náttúruna.
"Hvað nú?"
CHEMeFuel
SKIMA
Fréttir
Þekkingarsamfélagið sameinast áfram um Snjallræði
Uppskeruhátíð Snjallræðis 2024
